“O vlla, më duhet Mondi”- Bardhi i lexon përgjimet e Sky Ramës: Kush ta emëroi….

Kreu i Grupit Parlamentar të Partisë Demokratike, Gazment Bardhi, zhvilloi këtë të enjte interpelancën me kryeministrin Rama, në lidhje me mbetjet që pritet të rikthehen në Portin e Durrësit.

Në fjalën e tij Bardhi hodhi akuza jo vetëm për mbetjet e rrezikshme, por u ndal dhe te situata e krimit në vend. Bardhi akuzoi qeverinë se në krye të Drejtorisë së Policisë së Shkodrës, drejtorin e kanë emëruar bandat kriminale.

Në mbështetje të akuzave të tij Bardhi lexoi në Kuvend dhe përgjimet e aplikacionit SKY ECC, ku një prej eksponentëve më të rëndësishëm të krimit në Shkodër sipas tij, emëron drejtorin e ri të policisë.

“Si ta quajnë Drejtorin e Policisë së Shkodrës, e di emrin e Drejtorit të Policisë? Ta them unë kush ta ka emëruar!

Kodi pin i Sky ECC “DGLXJM”: O vlla ka llafe për atë mikun tënd ministër të Brendshëm, di gjë ti?

Përgjigjet kodi Sky ECC “7142D9”: Po por kam frikë se nuk e bën

Ndërhyn prapë kodi “DGLXJM”: Mua Mondi më duhet një dimër aty vlla!

Mondi në fakt është drejtori aktual i policisë vendore në Shkodër që u emërua vetëm 1 muaj pasi ky miku i eksponentit në fjalë që është përfaqësues i një prej bandave më të rrezikshme në vend, u bë ministër i Brendshëm”, tha Bardhi.

LEXONI GJITHASHTU:

• “Po, prodhojmë mbetje toksike”, Rama: Por porti i Durrësit është plotësisht i sigurt
• Rama përgjigjet për mbetjet toksike: Aludim psikopatologjik, nuk janë të rrezikshme