NASA: Tre asteroidë po i afrohen sot Tokës

Tre asteroidë do t’i afrohen Tokës sot dhe asteroidi ON do të kalojë pranë planetit tonë në një distancë prej një milion kilometrash, që është rreth 2.6 herë më e madhe se distanca e Hënës, njoftoi NASA.

Asteroidi ON ka përmasat e një stadiumi me diametër rreth 290 metra dhe dy asteroidë të madhësisë së një shtëpie pritet të kalojnë sot pranë Tokës në një distancë prej 1.8 milionë kilometrash dhe 5.8 milionë kilometrash, raporton “Sëisher Post”.

Të mërkurën, asteroidi 155 metra i gjatë do të kalojë në një distancë prej 3.25 milionë kilometrash nga Toka dhe një tjetër, me madhësinë e një shtëpie, do të afrohet në 6.36 milionë kilometra.

Megjithëse këto objekte klasifikohen si “potencialisht të rrezikshëm” për shkak të madhësisë dhe afërsisë së tyre, asnjë nuk është në një kurs përplasjeje me Tokën.

Pavarësisht nga madhësia dhe shpejtësia e tyre, NASA ka siguruar se asnjë nga këta asteroidë që afrohen nuk pritet të godasë Tokën.

LEXONI GJITHASHTU:

• Një asteroid masiv pritet të kalojë pranë Tokës në fundjavë
• NASA teston mbrojtjen e tokës kundër asteroideve