Rama me të rinjtë në Burrel: Shqipëria nuk ka pse të mos bëhet kampione e Ballkanit në turizëm

Në një takim elektoral me të rinjtë në Burrel, kryeministri i vendit Rama premtoi se Shqipëria nuk ka asnjë arsye pse të mos kthehet në “kampione të Ballkanit në turizëm dhe agroturizëm”.

Sipas tij Kroacia, që është vendi i shtatë në botë sa i takon turizmit, dhe ka nëntë aeroporte nuk ka asgjë më shumë se Shqipëria.

“Nga ana tjetër nuk është vetëm turizmi dhe agroturizmi, por edhe mundësia që ne të investojmë, shumë më tepër tanimë, te të rinjtë për t’i bërë ata gati për të hyrë në një treg që është shumë më i madh se vetë Shqipëria,” – u shpreh Rama.

Kryeministri tha në fjalimin e tij elektoral që brenda katër muajsh një djalë ose vajzë i/e talentuar do të mund të trajnohet për t’u aftësuar në botën digjitale dhe krijimin e një pune për vete me paga shumë më të kënaqshme se puna në shtet apo privat.

LEXONI GJITHASHTU: 

• “E ardhmja e Shqipërisë është BE”, Rama në Përrenjas: Votoni PS që të mos kthehemi 8 vite pas
• ‘Shumë borxhe, pak rrugë’, Sejamini pyet kryeministrin Rama pse e ka shtrënguar dorën tek infrastruktura
• Rama dhe Sejamini debatojnë për largimin e investitorëve të huaj nga Shqipëria