Sulmi me dronë shkakton zjarr në një depo nafte në Krime

Një depo nafte është përfshirë nga flakët mëngjesin e së hënës në Feodosia, në Krime, si pasojë e një sulmi ukrainas me dronë.

Banorët e zonës dëgjuan shpërthime të fuqishme rreth orës 4:30, pas të cilave shpërtheu zjarri.

Zyra e vendosur nga Rusia në Krime konfirmoi ngjarjen, por nuk e përmendi sulmin me dronë.

Oleg Kryuchkov, këshilltar i kryetarit të vendosur nga Rusia, tha se nuk ka viktima nga incidenti.

Ministria e Mbrojtjes e Rusisë njoftoi se kundërajrorët e saj kishin rrëzuar 21 dronë mëngjesin e së hënës, përfshirë 12 mbi Krime dhe të tjerë mbi rajonet Kursk, Belgorod, Briansk dhe Voronezh.

Krimea u aneksua nga Rusia në vitin 2014, ndërsa Ukraina ka shprehur dëshirën për ta rimarrë atë.

Lufta në Ukrainë ka nisur më 24 shkurt 2022, dhe presidenti rus Vladimir Putin e quan këtë situatë si “operacion special ushtarak”.

Lufta ka sjellë mijëra viktima dhe miliona të zhvendosur.

LEXONI GJITHASHTU:

• Një vit nga gjenocidi në Gaza, Britania nuk ndryshon politikat ndaj Izraelit
• Erdogan thirrje Putinit: Kthejani Krimenë Ukrainës!