Një vit nga sulmi i 7 tetorit, Britania nuk ndryshon politikat ndaj Izraelit

Ndërsa bota shënon përvjetorin e parë të sulmit të 7 tetorit, Partia Laburiste e Britanisë nuk ka ndërmarrë ndryshime të dukshme në politikën e saj ndaj Palestinës.

Pas zgjedhjeve të 4 korrikut, qeveria laburiste vendosi një ndalim të pjesshëm të tregtisë së armëve ndaj Izraelit dhe tërhoqi kundërshtimin ndaj një urdhër-arresti për kryeministrin izraelit Benjamin Netanyahu, duke ngritur shpresa për një qasje më të ndjeshme.

Megjithatë, deri tani nuk janë realizuar veprime konkrete për të ndaluar gjenocidin në Gaza.

Qeveria ka kërkuar armëpushim dhe përmirësime humanitare, por ka shmangur dënimin e drejtpërdrejtë të veprimeve ushtarake izraelite.

Mbretëria e Bashkuar ka miratuar më shumë se 100 licenca eksporti për shitjen e armëve, pajisjeve ushtarake dhe artikujve të tjerë të kontrolluar në Izrael që nga fillimi i luftës Izrael-Hamas, sipas të dhënave nga Departamenti për Biznes dhe Tregti.

Mes paralajmërimeve se ushtria izraelite po kryen krime lufte, dështimi i Britanisë së Madhe për t’i dhënë fund licencave të eksportit për kompanitë që shesin armë Izraelit po shkakton një reagim të ashpër si në Britani ashtu edhe jashtë saj.

LEXONI GJITHASHTU:

• Lufta shkatërruese e Izraelit në Gaza në një vit, ja çfarë tregojnë shifrat
• Sulmet e fundit izraelite në Liban, ja çfarë qëndrimi mban DASH