Florida përballet me ndërprerjet e energjisë elektrike, rritet numri i të vdekurve

Numri i të vdekurve nga uragani Milton u rrit në 17 të premten, duke përfshirë pesë viktima të shkaktuara nga tornadot që goditën kontenë St. Lucie, një rajon bregdetar në lindje të Floridës.

Gati 48 orë pasi Milton arriti në tokë, afër 2 milionë klientë në Florida mbetën pa energji elektrike.

Në kulmin e stuhisë, mbi 3 milionë qytetarë pësuan ndërprerje në të gjithë shtetin, por përpjekjet për rikuperim janë duke u zhvilluar dhe energjia elektrike po rikthehet gradualisht.

Zonat më të goditura janë të përqendruara përgjatë bregut perëndimor të Floridës, ku Milton goditi fillimisht.

Restaurimi i plotë mbetet një sfidë dhe disa qarqe mund të mos arrijnë 95% të restaurimit deri gati një javë pas ndikimit të stuhisë.

Qarqet që pritet të arrijnë këtë pikë referimi deri të enjten përfshijnë Brevard, Charlotte, DeSoto, Flagler, Indian River, Manatee, Sarasota, Seminole dhe Volusia.

LEXONI GJITHASHTU:

• Uragani Milton trondit Floridan, merr jetën e të paktën 14 personave
• Uragani “Milton” bën ‘kërdinë’ në Florida: Shkatërrohen shtëpitë, ka viktima