Polonia ‘rebelohet’ ndaj BE, Tusk: S’do ta respektojmë të drejtën për azilin…

Kryeministri polak Donald Tusk ka deklaruar se nuk do ta implementojë politikën evropiane për azilin nëse ajo kërcënon sigurinë e vendit të tij.

Tusk e bëri këtë deklaratë teksa u adresohej të ftuarve në konventën e partisë së tij Koalicioni Civil në Varshavë.

Ai tha se askush nuk do ta bindë ose detyrojë atë të ndërrojë mendje sa i takon paktit të ri polak për emigracionin.

 “Unë do të jem këtu, edhe nëse më godasin në kokë, i fortë dhe i pamëshirshëm kur bëhet fjalë për emigracionin ilegal, kur bëhet fjalë për respektimin vetëm të atyre ligjeve evropiane për emigracionin që mbështesin sigurinë tonë. Ne nuk do të respektojmë asnjë nismë të BE-së që dëmton sigurinë tonë dhe i referohem këtu paktit për emigracionin”,-tha Donald Tusk, kryeministër i Polonisë.

Tusk theksoi se, nëse dikush dëshiron të shkojë në Poloni për të jetuar, punuar apo studiuar, atëherë ai person duhet të respektojë standardet polake, zakonet polake dhe të integrohet. Ai shtoi se më 15 tetor, strategjia e re polake për emigracionin do të prezantohet në një takim qeveritar.

Dy vjet pasi Polonia ngriti një barrierë kufitare për të ndalur emigrantët që hynin nga Bjellorusia, fluksi ka rënë, por debati publik mbi çështjen vazhdon të jetë në qendër të vëmendjes, i nxitur nga vrasja me thikë e një ushtari qershorin e kaluar.

LEXONI GJITHASHTU:

• Fshehu një tentativë vrasjeje, Gjykata vendos “detyrim paraqitje” për mjekun (Emri)
• Erdogan flet për vizitën në Tiranë: Konfirmim i miqësisë së fortë Shqipëri-Turqi