Deputetët e përjashtuar të PD tentojnë të hyjnë në Kuvend, përplasen me Gardën

Deputetët e PD të përjashtuar për disa ditë nga Kuvendi janë përplasur me punonjësit e gardës teksa kanë tentuar të hyjnë në sallën e seancave plenare.

Deputetët Bledion Nalbati, Flamur Noka, Gazment Bardhi, Albana Vokshi janë shtyrë me punonjës të gardës së republikës që nuk i lejonin të hynën nga dera kryesore e sallës së Kuvendi.

“Hapeni derën, kë po mbroni more”, dëgjohen të thonë deputetët e PD.

Pas incidentit me djegien e karrigeve jashtë kuvendit dy javë më parë Sekretariati i Etikës përjashtoi me 60 ditë nga Komisionet Parlamentare dhe seancat plenare, deputetët Gazment Bardhi, Flamur Noka dhe Bledion Nallbati.

Ndërsa 20 deputetët e tjerë janë përjashtuar më 40 ditë.

LEXONI GJITHASHTU:

• Dështon raportimi i kreut të KLSH në Kuvend, deputetët e opozitës bllokojnë foltoren
• Kuvendi publikon faturën e dëmeve nga djegia e karrigeve, deputetët që do e paguajnë