Dështon raportimi i kreut të KLSH në Kuvend, deputetët e opozitës bllokojnë foltoren

Arben Shehu, kryetari i Kontrollit të Lartë të Shtetit nuk ka mundur të bëjë dot raportimin vjetor në Kuvend.

Shkak janë bërë tensionet e krijuara që nga nisja e seancë së sotme ku në sallë kanë mundur të futen edhe disa deputetë të PD të përjashtuar mes të cilëve Elda Hoti.

24 prej deputetëve të PD u përjashtuan 2 javë më parë pas akteve të dhunës dhe incidentit me djegien e karrigeve, ndërsa pjesa e deputetëve që mundën të jenë në seancë, kanë përmbysur karriget pranë foltores dhe kanë qëlluar vazhdimisht tavolinat duke pamundësuar raportimin e kreu të KLSH.

“Nuk dëshironi që kreu i KLSH të paraqesë këtu rezolutën se nuk keni asnjë interes të dëgjoni, atëherë sipas rregullore lexohet projekt rezoluta nga komisioni për ekonominë dhe financën. Zoti kryetar, mund të largoheni”, tha Spiropali duke iu referuar kreut të KLSH.