PD proteston në Parlamentin Europian, Korreshi: Eurodeputetët u sensibilizuan me ne

Një grup prej rreth 30 deputetësh të Partisë Demokratike kanë protestuar këtë të mërkurë jashtë ambienteve të Parlamentit Europian, ndërkohë që disa kolegë të tyre vijuan takimet zyrtare me eurodeputetët.

Deputeti Saimir Korreshi tha në një lidhje direkte për Euronews Albania se në këto takime ata synojnë të tregojnë panoramën në të cilën ndodhet opozita dhe Shqipëria, se si liderët e opozitës janë burgosur dhe problemet e zgjedhjeve të lira e të tjera.

Sipas tij, është e rëndësishme që eurodeputetët të informohen për këto situata sepse sipas tij ata nuk kanë mjaftueshëm informacione për këto situata

“E para në kanalet e tyre ka mungesë totale informacioni. Problematikat e opozitës nuk përcillen në kanalet zyrtare në Shqipëri nuk janë përcjellë në Parlamentin Europian. Gjithashtu në PE ka euro-deputet të rinj të cilët nuk e dinë situatën faktike në të cilën ndodhet shqipëria dhe duhet një panormaë e qartë e situatës në vendin tonë. Në këto kushte një panoramë e qartë e bërë nga ana jonë, ka rritur sensibilitetin shumë ndjeshëm në PE”,-tha Korreshi.

LEXONI GJITHASHTU:

• “Drejtësia po godet drejtuesit e opozitës”- PD protestë në Parlamentin Europian
• “Të shihen operacionet e grave të prokurorëve” – Kryemadhi flet pas daljes nga SPAK