Traumat dentare tek fëmijët, stomatologia: Mund të sjellin probleme në moshë madhore

“Mund të kemi një frakturë të lehtë ose dëmtime të dhëmbëve në nofullën e poshtme, përfshirë lëvizshmëri të dhëmbëve apo thyerje të strukturës së kurorës,” thotë stomatologia Merita Bardhoshi.

Megjithatë, pas çdo traume të dukshme mund të fshihet një dëmtim që shfaqet vite më vonë. Këto dëmtime nuk prekin vetëm aspektin estetik.

“Me kalimin e viteve, këto dëmtime mund të shfaqen si probleme funksionale të sistemit dhëmbor dhe të nofullave, duke ndikuar në të folur dhe në ushqyerjen e pacientit,” shton ajo.

Mjekët theksojnë se janë të shumtë ata të rritur që mësojnë se kanë probleme dentare si pasojë e një traume të pa vlerësuar në fëmijëri, prandaj ata këshillojnë që çdo traumë tek fëmijët të marrë vëmendjen e duhur.

“Fillimisht trajtohet urgjenca e traumës, dhe më pas, çdo 6 muaj bëhen kontrolle të rregullta te dentisti deri sa fëmija të jetë jashtë rrezikut,” shpjegon Bardhoshi.

Kapja në kohë e çdo dëmtimi, sipas ekspertëve, do të ndihmojë në parandalimin e problemeve që ndonjëherë kërkojnë ndërhyrje kirurgjikale për t’u korrigjuar.

LEXONI GJITHASHTU:

• Stomatologu brenda në shkolla, 200 kabinete të reja dentare në gjithë vendin
• Turizmi dentar në Elbasan, rritet fluksi i vizitorëve të huaj për shërbime dentare