Vakanca në Kushtetuese, të premten mblidhet KED, shqyrtimi i 10 kandidaturave

Të premten Këshilli i Emërimeve në Drejtësi do të zhvillojë mbledhje për vakancën në Gjykatën Kushtetuese.

Në mbledhje do të hidhet shorti për caktimin e relatorit dhe të këshilltarit ligjor për shqyrtimin e kandidaturave që kanë shprehur interesin për t’u zgjedhur në pozicionin vakant të krijuar në Gjykatën Kushtetuese.

Emrat e 10 kandidatëve për vendin vakant u publikuan të mërkurën nga Kuvendi.

Bëhet fjalë për:

1. Alfred Balla2. Eris Hysi3. Gentian Zyberi4. Irena Nino5. Klodian Rado6. Naureda Llagami7. Nertila Sadedini8. Nurihan Meta (Seiti)9. Roland Ilia10. Sinan Tafaj

Me dorëheqjen e gjyqtares Elsa Toksa, një muaj më parë Gjykata Kushtetuese mbeti me 8 anëtarë, nga 9 që ishte më parë.

Në mbledhje gjithashtu do të ketë diskutime përcaktimin kohëzgjatjes së mandatit të vakancës së krijuar në Gjykatën Kushtetuese ndërsa do diskutohet dhe për shprehjen e qëndrimit të KED lidhur me Strategjinë Ndërsektoriale të Drejtësisë 2024-2030.

LEXONI GJITHASHTU:

• Gjykata Kushtetuese vendosi pezullimin, si u ekstradua në Rusi Igor Kokunov
• Von der Leyen i bën thirrje Shkupit të miratojë ndryshimet kushtetuese