“Edhe unë shaja arbitrin nga nëna”- Majko ironizon aksionin opozitar

Deputeti i Partisë Socialiste, Pandeli Majko, ironizoi rikthimin në parlament të opozitës gjatë seancës plenare të kësaj të enjteje.

Majko tha se nëse do të ishte pjesë e protestave të organizuara të opozitës, me e saj rikthimin në parlament, do të ngrinte pyetjen nëse kjo është “mosbindja civile”.

“Sot më keni kujtuar veten kur kam qenë student, e kam si këshillë: Mos shkoni me miq lebër në stadium, se kur humbiste Flamurtari edhe unë e shaja arbitrin nga nëna”, tha Majko mes të tjerash.

Pjesë nga fjala e deputetit Majko në parlament:

Duhet të diskutojmë rendin e ditës se buxheti është shumë i rëndësishëm. Si deputet me një eksperiencë modeste dua t’i falënderoj deputetët për pjesëmarrjen këtu, nuk ishte vendim i gjykatës administrative, në dijeninë time ju jeni larguar për shkak të dënimit të zotit Salianji. Sot që flasim zoti Salianji është në burg.

Nëse do të isha demokrat dhe të isha pjesë e protestës që thirrët do t’ju pyesja kjo ardhja juaj këtu është mosbindje civile? Atëherë nëse kjo është mosbindje civile edhe unë po them që zoti Ulsi Manja është ministër i qeverisë teknike. Mendoj se duhet të vazhdojmë me diskutimin. Sot më keni kujtuar veten kur kam qenë student, e kam si këshillë: Mos shkoni me miq lebër në stadium, se kur humbiste Flamurtari edhe unë e shaja arbitrin nga nëna”, tha Majko.

LEXONI GJITHASHTU:

• Deputeti i PD shkon në Kuvend si i “burgosur” dhe me pranga, përplaset me Spiropalin
• “Dorëhiqu”, Bardhi-Spiropalit: Pengove 1 muaj opozitën të bëjë detyrën