Deputeti i PD shkon në Kuvend si i “burgosur” dhe me pranga, përplaset me Spiropalin

Deputeti i Partisë Demokratike, Dashnor Sula, ka zhvilluar një protestë simbolike gjatë seancës plenare të kësaj të enjteje.

Sula u shfaq në ambientet e sallës së parlamentit i veshur me uniformë të burgosuri dhe me pranga në duar, si formë proteste ndaj atyre që ai i quajti si arrestime politike të eksponentëve të opozitës.

Seanca plenare nisi me përplasje, ku deputeti i PD i tregoi prangat kryetares së Kuvendit, Elisa Spiropali, duke i thënë: “Këto ju presin”.

Në përgjigje, Spiropali i kërkoi deputetit që të ruajë qetësinë dhe të respektojë procedurën, duke thënë: “Zoti Sula, uluni në vendin tuaj. Merrni fjalën për diskutim dhe keni të drejtën tuaj”.

LEXONI GJITHASHTU:

• Kallëzimi për djegien e karrigeve në Kuvend, SPAK merr vendimin për deputetët e PD
• “Dorëhiqu”, Bardhi-Spiropalit: Pengove 1 muaj opozitën të bëjë detyrën