Kurti ndan pamjet e furnizimeve të reja me armë për Forcat e Sigurisë së Kosovës

Kryeministri Albin Kurti ka vizituar një depo të Forcës së Sigurisë së Kosovës ku janë vendosur furnizimet e fundit me armatim për ushtrinë vendit.

“Është vetëm një pjesë fare e vogël e sasisë më të madhe të armatimit të këmbësorisë që ndonjëherë kemi marrë”, ka shkruar Kurti në Facebook derisa ka ndarë edhe një video nga vizita me komandantin e FSK-së, gjenerallejtënant, Bashkim Jashari.

Kurti ka shkruar se armatimi është modern dhe në kuadër të blerjeve dhe furnizimeve të vazhdueshme që sipas tij shteti është duke i bërë.

“Ngritja e kapaciteteve tona ushtarake ka qenë dhe do të jetë gjithnjë në shërbim të mbrojtjes së sovranitetit dhe integritetit tonë territorial dhe të ruajtjes së paqes dhe sigurisë”, ka shkruar Kurti.

LEXONI GJITHASHTU:

• ​Kurti për Fondin Sovran: Të ndërpritet avazi i bllokimit të reformave pozitive
• “Asociimi që imponohet nga lart është diktat”, Kurti: U takon komunave ta bëjnë