Bashkimi Evropian uron Shqipërinë për Ditën e Pavarësisë

Ambasada e Bashkimit Evropian në Shqipëri ka uruar Ditën e Pavarësisë përmes një postimi në rrjetin social “X”.

Në mesazh theksohet se shumë sfida qëndrojnë përpara deri në anëtarësimin e Shqipërisë në BE, por unioni është i përkushtuar të qëndrojë në krahë të Shqipërisë.

“Gëzuar Ditën e Pavarësisë Shqipëri! Hapja e negociatave të anëtarësimit për Grupkapitullin e parë mbi themelorët këtë vit është një hap i rëndësishëm drejt anëtarësimit në familjen e Bashkimit Evropian. Shumë sfida janë përpara, por BE-ja është e përkushtuar të qëndrojë në krah të Shqipërisë në çdo hap”, thuhet në njoftimin e ambasadës së BE.

LEXONI GJITHASHTU:

• Politika uron Ditën e Pavarësisë: Rama shpërndan videon, Meta mesazh nga burgu
• 112-vjetori i Pavarësisë, ngrihet në New York Flamuri ynë kombëtar