Gripi dhe virozat e stinës/ Mbi 11 mijë pacientë kërkuan ndihmë në spitale në 1 javë

Rreth 11 mijë persona në të gjithë vendin, kanë kërkuar ndihmën e mjekut të famijes në poliklinika si pasojë e prekjes nga gripi dhe viroza e stinës.

Për ekspertët e ISHP, aktualisht qarkullimi i infeksioneve respiratore është me intensistet të ulët.

Sipas raportit zyrtar, Bashkitë e Gjirokastrës, Durrësit, Hasit dhe Tiranës kanë numrin më të lartë të infeksioneve.

Konkretisht në Gjirokastër të dhënat tregojnë për afro 80 raste për 10 mijë banorë, në Durrës 70 raste për 10 mijë banorë, në Has dhe Tiranë 60 dhe 55 raste për 10 mijë banorë.

Grupmosha më e prekur vijon të jetë ajo pediatrike, 0-5 vjeç duke u shoqëruar me temperaturë të larta deri në 40 gradë si dhe kollë.

Krahasuar me të njëjtën periudhë të një viti më parë, infeksionet respiratore janë afro 10 % më shumë. Sipas bluzave të bardha, ky agresivitet i virozave dhe gripit lidhet me lëvizjen e lartë të njerëzve.

LEXONI GJITHASHTU:

• Gripi prek fëmijët, Brati: Ka nisur qarkullimi. Problem temperatura shumë e lartë
• Nis sezoni i gripit, Tomini: Ka shenja tipike, kollë, temperaturë, dhimbje trupore