Shqiptarja që vrau të dashurin, çfarë u gjet në apartamentin luksoz në SHBA

Një ngjarje e rëndë ka ndodhur në SHBA, ku gruaja ka vrarë burrin me armë dhe më pas veten në banesën e tyre. Ngjarja ndodhi në Florida të SHBA-ve, mbrëmjen e 27 nëntorit, ku Pajtim Krasniqi 34-vjeç nga Peja e Kosovës është vrarë me armë nga gruaja e tij Sabrina Krasniqi, 27-vjeç.

Sipas mediave amerikane, trupat e pajetë të çiftit u gjetën në zona të ndryshme të apartamentit në katin e 45-të.

“Përmes hetimeve është konstatuar se Sabrina Krasniqi ka qëlluar për vdekje disa herë bashkëshortin e saj dhe më pas veten. Ngjarja ka ndodhur në banesën e tyre të përbashkët. Të dy u shpallën të vdekur në vendngjarje”, tha policia.

Banorët e zonës ishin ata të cilët raportuan se dhe para ngjarjes, ata kishin dëgjuar të bërtitura.

“Dëgjuam të bërtitura dhe ishte e frikshme. Më pas dëgjova të shtënat dhe pas disa minutash makinat e policisë. Ishte një skenë e mbushur me njerëz”, tha Max Braendlin, i cili jeton në atë lagje.

Pas ngjarjes një reagim ka ardhur edhe nga motra e viktimës Pajtim Krasniqi, Albana e cila thotë se  Sabrina Krasniqi zgjodhi t’i marrë jetën Pajtimit, duke e qëlluar me disa plumba.

“Gruaja e Pajtimit zgjodhi t’ia merrte jetën vëllait tim, kur ajo e qëlloi me 5 plumba në kraharorin e tij. Personit të cilin i besonte kaq shumë, personin të cilin e zgjodhi të kalonte jetën edhe ia mori. Ajo e tradhtoi atë, dashurinë dhe besimin e tij. Ajo e shkatërroi familjen time. Unë dhe vëllezërit e motrat e mia nuk do të jemi më kurrë njësoj”, shkruan ajo.

LEXONI GJITHASHTU:

• “Gruaja zgjodhi ti merrte jetën vëllait tim”, postimi i motrës së shqiptarit në SHBA
• “SHBA dënon sulmin në Veri”, Hovenier: S’e dimë kush fshihet pas, mbështesim Kosovën