Vrasja në Ndroq, dorëzohet autori i dyshuar, Julian Gjoshi

Polica ka njoftuar këtë të hënë se është dorëzuar pranë autoriteteve ligjzbatuese autori i dyshuar i vrasjes së ndodhur dje në Ndroq. Sipas policisë pas kontrolleve të shumta, bllokimeve të rrugëkalimeve dhe pamundësisë për tu fshehur Julian Gjoshi u dorëzua vullnetarisht në polici ku më pas u bë dhe ndalimi i tij si autor i dyshuar i vrasjes me armë zjarri të 50-vjeçarit Alfred Dedja në një lokal në Ndroq.

Njoftimi i Policisë

Në vijim të veprimeve për ngjarjen e ndodhur më datë 01.12.2024, ku rreth orës 15:30, në një lokal në Ndroq, mbeti i vrarë me armë zjarri shtetasi A. D., rreth 50 vjeç, ju informojmë se:

Falë veprimeve të shpejta dhe të koordinuara të Policisë së DVP Tiranë në bashkëpunim me Drejtorinë Vendore të Policisë Durrës, kontrolleve të shumta të ushtruara bazuar në inteligjencës policore, gjetjen dhe bllokimin e automjetit të dyshuar që kishte përdorur autori, si dhe bllokimit të rrugëkalimeve dhe pamundësisë për të qëndruar i fshehur, autori i dyshuari u dorëzua në Polici.

Në vijim të veprimeve Specialistët për hetimin Krimeve të Rënda në Drejtorinë Vendore të Policisë Tiranë bënë ndalimin e autorit të dyshuar, shtetasit J. Gj., 26 vjeç, banues në Shijak.

Për zbardhjen dhe dokumentimin ligjor të ngjarjes, për sigurimin dhe sekuestrimin e provave dhe kapjen e ndalimin e autorit, Strukturat e Hetimit të Krimit në DVP Tiranë, kanë punuar me profesionalizëm në bashkëpunim të ngushtë me Prokurorinë dhe strukturat e tjetra të Policisë së Shtetit.

Grupi i posaçëm hetimor, në drejtimin e Prokurorisë, po vijon punën për zbardhjen e plotë të rrethanave të ngjarjes dhe dokumentimin e saj ligjor

LEXONI GJITHASHTU:

• Detaje nga vrasja në Ndroq, kërkime në 2 qytete. Policia njoftim për mjetin e gjetur
• Vrasja e 52-vjeçarit brenda lokalit në Ndroq, dy pistat ku po heton policia