Aksident i rëndë në aksin Pogradec – Qafë Thanë, humb jetën një person

Një aksident i rëndë ka ndodhur mëngjesin e kësaj të mërkure në aksin Pogradec – Qafë Thanë ku dy mjete janë përplasur me njëra tjetrën.

Nga informacionet paraprake mësohet se nga aksidenti ka humbur jetën shtetasi Martin Kastrioti ndërsa dy persona të tjerë janë plagosur.

Sipas policisë, ngjarja ka ndodhur në afërsi të fshatit Pojskë aty ku dy mjete janë përplasur kokë më kokë pasi njëri nga mjetet ka kryer një manovër të gabuar.

Dyshohet se shkaqet e aksidentit kanë qenë shpejtësia tej normave të lejuara, manovra e gabuar dhe lagështia në rrugë por do jetë ekspertiza ajo që do zbardhi dinamikën e ngjarjes.

LEXONI GJITHASHTU:

• I riu në Pogradec kërcënon se do hidhet nga ballkoni, zjarrfikësit në vendngjarje
• Pogradec, makina godet biçikletën, një i lënduar