I riu në Pogradec kërcënon se do hidhet nga ballkoni, zjarrfikësit në vendngjarje

Një person rreth moshës 30-vjeçare kërcënonte se do të hidhej nga ballkoni pranë zonës së Pazarit në Pogradec. Menjëherë janë njoftuar policia dhe shërbimet zjarrëfikëse të cilat janë nisur drejt vendit të ngjarjes.

I riu kishte dalë në ballkon dhe kërcënonte se do të hidhej duke bërtitur se nuk e donte njeri dhe do i jepte fund jetës.

Efektivët dhe familjarët kanë hyrë në bisedime me të dhe pasi e kanë qetësuar, kanë ndërhyrë zjarrfikësit të cilët e kanë marrë ku më pas është bërë transportimi i tij me urgjencë drejt spitalit të Pogradecit.

30 vjeçari ka deklaraur se nuk e do njeri prandaj ai donte ta ndërmerrte atë akt.

Paraprakisht mësohet se i riu ka probleme të depresionit dhe ka qenë përdorues narkotikësh, çfarë ka sjellë edhe gjendje të rënduar psikologjike prej disa kohësh.

Ngjarja u shënua në lagjen numër 5 në zonën e njohur si “ish pazari”.

LEXONI GJITHASHTU:

• Pogradec, makina godet biçikletën, një i lënduar
• Era e fortë rrëzon pemët disavjeçare në Pogradec, disa fshatra mbeten pa energji