Tentuan të fusin në Shqipëri 21 000 franga zvicerane, procedohen 2 kosovarë

Një procedim penal ka filluar pë dy shtetas kosovarë të cilët tentuan të fusin në Shqipëri 21 000 franga zvicerane, pa i deklaruar.

Në pikën kufitare të Morinës është kontrolluar automjeti tip “BMW” me drejtues shtetasin M. S. dhe pasagjer shtetasin B. G dhe gjatë kontrollit, këtyre shtetasve u janë gjetur 21 000 franga zvicerane, të cilat ata nuk i kishin deklaruar konform ligjeve në fuqi. Paratë u sekuestruan në cilësinë e provës materiale.

Në vijim të veprimeve procedurale për rastin, u referuan materialet në Prokurorinë pranë Gjykatës së Kukësit, ku nisi procedimi në gjendje të lirë për shtetasit kosovarë M. S., 34 vjeç, banues në Zvicër dhe B. G., 33 vjeç, banues në Kosovë, për veprën penale “Mosdeklarimi në kufi i të hollave dhe i sendeve me vlerë”.

LEXONI GJITHASHTU:

• Kakavijë, tentoi të dilte nga Shqipëria me mbi 14 mijë euro, nën hetim 47-vjeçari
• Konfiskohen 1 milion euro pasuri të Redjan Rrahjas dhe makina e Kejvina Kthellës