Estonia ka sanksionuar 14 zyrtarë gjeorgjianë për dhunë ndaj protestuesve

Estonia ka sanksionuar 14 zyrtarë gjeorgjianë, përfshirë kryeministrin Irakli Kobakhidze, njoftoi sot ministri i jashtëm estonez Margos Cahkna.

Ai u bëri thirrje vendeve të tjera të BE-së që të reagojnë dhe të marrin masa kundër autoriteteve gjeorgjiane.

“Dhuna e kryer nga autoritetet gjeorgjiane ndaj protestuesve, gazetarëve dhe liderëve të opozitës është një vepër penale dhe kundër të drejtave të njeriut. U bëj thirrje të gjitha vendeve të BE-së të reagojnë dhe të ndërmarrin veprime,” shkroi ministri i jashtëm estonez në Platformën X.

Zgjedhjet parlamentare u mbajtën në Gjeorgji më 26 tetor, në të cilat fitoi partia qeverisëse Ëndrra Gjeorgjiane, dhe përfaqësuesit e opozitës njoftuan se nuk i njohin rezultatet e votimit dhe filluan protestat në të cilat protestuesit dhe policia u përleshën, kur qindra njerëz ishin arrestuar.

Një valë e re protestash filloi më 28 nëntor pasi kryeministri Irakli Kobakhidze vendosi të pezullojë negociatat e anëtarësimit në BE deri në vitin 2028.

LEXONI GJITHASHTU:

• Shkatërrohen dy cisterna ruse në Detin e Zi
• Papa Françesku në Korsikë, ati i shenjtë thirrje për përkushtim fetar