Shtyhet seanca paraprake për deputetin demokrat Asllan Dogjani

Seanca paraprake për deputetin e Partisë Demokratike, Asllan Dogjani, është shtyrë për javën tjetër. Shkak për shtyrjen e seancës u bë mungesa e deputetit, i cili kërkoi shtyrjen për shkak të gjendjes së tij shëndetësore.

Dogjani akuzohet nga SPAK për “refuzim për deklarimin, mosdeklarimin, fshehje ose deklarim i rremë i pasurisë” lidhur me një apartament rreth 100 metra katrorë. Sipas deklaratës së tij, ai kishte thënë se e kishte fituar këtë apartament si rezultat i një këshillimi juridik.

Nga hetimet, megjithatë, rezultoi se Dogjani kishte blerë apartamentin për një vlerë prej rreth 122 mijë eurosh, të cilat i ka paguar tërësisht me para në dorë.

Në seancën që ishte planifikuar për këtë të martë, pritej që të shqyrtohej nëse dosja do të kalonte për gjykim apo jo. Seanca u la për javën tjetër për shkak të mungesës së deputetit Dogjani.

LEXONI GJITHASHTU:

• Asllan Dogjani flet pas daljes nga SPAK: Më ka kallëzuar kushëriri i një deputeti
• Deputeti i Partisë Demokratike Asllan Dogjani, paraqitet në SPAK