Seuli: Të paktën 100 ushtarë koreano-veriore janë vrarë në Ukrainë

Të paktën 100 ushtarë të Koresë së Veriut janë vrarë në luftimet në luftën e Ukrainës që nga hyrja në luftime në anën ruse në fillim të këtij muaji, ka thënë një deputet i Koresë së Jugut.

Lee Sung-kwon, duke folur me gazetarët pasi parlamenti u informua nga Shërbimi Informativ Kombëtar i vendit, tha se 1000 të tjerë ishin plagosur.

Ai tha se viktimat përfshinin zyrtarë të rangut të lartë.

Raportet e para për viktimat e Koresë së Veriut erdhën në fillim të kësaj jave. Në tetor doli se Veriu kishte dërguar 10,000 trupa për të ndihmuar përpjekjet luftarake të Rusisë kundër Ukrainës.

Viktimat mendohet se janë shënuar në rajonin Kursk të Rusisë, ku ukrainasit po mbrojnë një zonë të vogël territori të kapur gjatë një inkursioni të befasishëm në gusht.

Të shtunën e kaluar, presidenti ukrainas Volodymyr Zelensky tha se Rusia kishte filluar të përdorë një “numër të konsiderueshëm” ushtarësh koreano-veriorë në sulmet e saj në Kursk.

LEXONI GJITHASHTU:

• Zelenski takime me drejtuesit e NATO dhe BE për garancitë e sigurisë për Ukrainën
• Putin dhe Lukashenko do të nënshkruajnë marrëveshjen e rëndësishme të sigurisë