Asfiksohen nga gazi, humbin jetën dy persona në Tiranë

Dy persona janë asfiksuar nga rrjedhja e gazit në Tiranë dhe për pasojë kanë humbur jetën. Ngjarja ndodhi gjatë natës së djeshme në rrugën “Marije Kraja” ku një 47-vjeçar bashkë me të afërmin e tij 56-vjeç humbën jetën pasi u asfiksuan nga rrjedhja e gazit ndërsa trupat e pajetë janë gjetur pasditen e së enjtes.

Sipas burimeve ata kishin ndezur bombolën e gazit gjatë natës se djeshme dhe sot nuk i janë përgjigjur në telefon të afërmeve. Të alarmuar këtë të enjte të afërmit e dy personave kanë lajmëruar policinë dhe efektivët së bashku me ekipet mjekësore kanë gjetur në banesë pa shenja jete dy personat.

47-vjeçari pronar i baneses rrinte në Greqi, dhe ka shkuar së bashku me të afërmin e tij mbrëmë për të bërë riparime në banese, ku dhe kanë qëndruar. Dyshohet se bombola ka rrjedhur gazin gjatë gjithë natës dhe të dy janë asfiksuar.

Njoftimi i policisë

Më datë 19.12.2024, rreth orës 17:20, në rrugën “Marije Kraja”, dyshohet se janë asfiksuar nga rrjedhja e gazit, pronari i banesës, shtetasi A.M, rreth 47 vjeç dhe një afërm i tij i largët shtetasi V.B, rreth 56 vjeç, të cilët kanë humbur jetën sipas konfirmimit të stafit mjekësor.

Grupi hetimor nën drejtimin e Prokurorisë po punon për sqarimin e rrethanave dhe dokumentimin e plotë ligjor të ngjarjes.

LEXONI GJITHASHTU:

• U kapën me 300 tableta ekstazi, arrestohen 4 të rinj në Tiranë
• I shkëmbenin armët me kokainë, jepet masa për 5 të arrestuarit në Tiranë