I shkëmbenin armët me kokainë, jepet masa për 5 të arrestuarit në Tiranë

Gjykata e Tiranës ka caktuar masën e sigurisë “arrest në burg” për pesë personat e arrestuar në lidhje me trafikun e armëve midis Shqipërisë dhe Kosovës.

Ndërkohë, për Euxhenio Manushin, i cili ishte arrestuar disa ditë më parë gjatë operacionit pasi u kap në flagrancë me 1 kg kokainë së bashku me një shtetas tjetër, seanca pritet të mbahet të dielën.

Masat e sigurisë:

• Endri Papa 34-vjeç
• Aurel Manreka 28 vjeç
• Gersi Llozha 22 vjeç
• Kleu Mucalliu 26-vjeç
• Tonin Shkami 53-vjeç

Skema e trafikimit

• Armët vinin nga Turqia si armë sportive dhe më pas modifikoheshin në qytetin e Ferizajt në Kosovë.
• Trafikantët nuk përdornin para për tregti, por armët në shumicën e rasteve shkëmbeheshin me kokainë.
• Një nga të arrestuarit, Euxhenio Manushi, dyshohet se ka udhëtuar në Kosovë me lëndë narkotike dhe është kthyer në Shqipëri me armë zjarri.

Operacioni dhe rezultatet

Operacioni i koduar “Demontimi” ka çuar në:

• Sekuestrimin e 64 armëve zjarri.
• Arrestimin e 16 personave të dyshuar: 6 në Shqipëri dhe 10 në Kosovë.
• Nga këto, 23 armë janë sekuestruar nga policia e Tiranës, ndërsa 41 armë janë kapur nga autoritetet kosovare.

Emrat e të arrestuarve në Tiranë

• Euxhenio Manushi (20 vjeç)
• Endri Papa (34 vjeç)
• Aurel Manreka (28 vjeç)
• Gersi Llozha (22 vjeç)
• Kleo Muçalliu (26 vjeç)
• Tonin Shkambi (53 vjeç)

Euxhenio Manushi, i cili është djali i artistit të njohur si “Ad Sybardhi”, ishte arrestuar disa ditë më parë në Tiranë në një aksion anti-drogë, ku u kap me 1 kilogram kokainë të pastër së bashku me bashkëpunëtorin e tij, Klaudio Serjani.

Hetimet

Operacioni “Demontimi” nisi në shkurt të vitit 2024 pas informacioneve të mbledhura nga Seksioni për Hetimin e Trafiqeve të Paligjshme në Tiranë. Hetuesit kishin dyshime për një rrjet trafikimi që përfshinte armë dhe drogë midis Kosovës dhe Shqipërisë.

Pas hetimeve të thelluara, u krijua një ekip i përbashkët hetimor mes dy vendeve, i cili realizoi operacione të koordinuara dhe shkëmbim informacioni për të ndaluar këtë aktivitet të paligjshëm.

LEXONI GJITHASHTU:

• U arrestua për kokainë, djali i artistit del i përfshirë dhe në trafikun e armëve
• Operacioni i përbashkët Shqipëri-Kosovë, goditet grupi i trafikut të armëve