“Hajduti” korçar live në TikTok pasi hyn në bankë me një të shtyrë të derës

Rreth orës 22:04, një shtetas ende i paidentifikuar ka  hyrë me forcë brenda një banke të nivelit të dytë në lagjen nr.3 në qytetin e Korçës, i cili ka shtyrë me forcë derën e jashtme.

Në momentin që ka hyrë brenda ka rënë sinjali dhe menjëherë kanë shkuar shërbimet e Policisë.

Shtetasi që kishte hyrë në ambientet e bankës porsa ka konstatuar Policinë është larguar me shpejtësi pa marrë asnjë gjë nga brenda bankës.

Burime të policisë së Korçës për Euronews Albania bëjnë me dije se hajduti që ka tentuar të hyjë me forcë në bankën e nivelit të dytë në Korçë ka qenë live në TikTok

Ky veprim është vërejtur nga kamera e sigurisë së bankës e cila është në dorën e policisë kriminale.