Goditen 8 qendra prostitucioni në Shkodër, procedohen 13 shtetase të huaja

Policia e Shkodrës ka ndërmarrë një operacion për goditjen e 8 qendrave të prostitucionit të shpërndara në banesa të ndryshme në qytet.

Gjatë operacionit, janë proceduar penalisht gjithsej 15 persona, përfshirë 13 shtetase të huaja, të moshave nga 22 deri në 42 vjeç, të cilat vinin nga Peru, Azerbajxhan, Brazili, Mali i Zi dhe Kina. Ndër të proceduarit janë edhe dy shtetas shqiptarë, një 28-vjeçar dhe një 17-vjeçar, të cilët u kapën gjatë aksionit në dy prej qendrave të prostitucionit.

Gjatë zhvillimit të operacionit, autoritetet sekuestruan një sërë provash materiale, përfshirë 28 telefona celularë, një tablet, një telekamerë, si dhe një shumë të konsiderueshme parash, të përfituara nga ushtrimi i prostitucionit. Këto prova janë duke u përdorur për të thelluar hetimet dhe për të identifikuar organizatorët e rrjetit të shfrytëzimit.

Hetimet janë në vazhdim, ndërsa forcat e policisë po punojnë për të identifikuar dhe kapur personat që qëndrojnë pas këtij aktiviteti kriminal. Prokuroria e Shkodrës ka filluar procedurat për veprat penale “Mbajtja e ambienteve për prostitucion”, “Trafikimi i personave të rritur” dhe “Prostitucioni” në bashkëpunim.

Në kuadër të këtij operacioni u proceduan penalisht 13 shtetase nga disa Peruja, Mali i Zi, Azerbajxhani, Kina  dhe Brazili, konkretisht shtetaset:

– D. G., 31 vjeçe, banuese në Peru;

–  Sh. G., 36 vjeçe, banuese në Azerbajxhani;

– V. G, 25 vjeçe, banuese në  Peru;

– L. R, 27 vjeçe, banuese në Mal të Zi;

– S. B, 39 vjeçe, banuese në Mal të Zi;

– A. A, 29 vjeçe, banuese në Brazil;

– Ch. Zh., 42 vjeçe, banuese në Kinë;

– F. K., 29 vjeçe , banuese në Azerbajxhani;

– G. M., 38 vjeçe, banuese në Azerbajxhani;

– M. L, 22 vjeçe, banuese në Brazil;

– M. X., 29 vjeçe, banuese në Kinë;

– N. N., 33 vjeçe, banuese në Mal të Zi;

– U. G, 39 vjeçe, banuese në Azerbajxhani.

LEXONI GJITHASHTU:

• Prostitucion me vajza nga Amerika Latine, arrestohet tutori 44-vjeçar
• Ushtronin prostitucion në Vlorë, nis hetimi ndaj 4 shtetaseve të huaja