Kontroll në Aeroportin e Prishtinës, kapet pasagjeri me 81 boksa cigaresh në valixhe

Të dielën në Aeroportin Ndërkombëtar të Prishtinës “Adem Jashari”, gjatë kontrollit të një valixheje, janë gjetur sasi e cigareve Marlboro të kuqe dhe të bardhë pa banderola.

Policia e Kosovës ka bërë me dije se pas hapjes së valigjes ne doganë janë gjetur 81 boksa cigare të cilat janë sekuestruar.

Njoftimi i Policisë së Kosovës:

“Gjatë kontrollit të një valixheje të një pasagjeri në dalje është vërejtur se i njëjti ka një sasi të cigareve në valixhen e tij. Pas hapjes se valixhes në prezencën e zyrtareve doganor është vërejtur se aty ka 9 boksa cigare Marlboro. Pas kontrollit te mëtejmë dhe numërimit nga ana a zyrtareve doganor ka rezultuar se të njëjtit i janë gjet gjithsejtë 81 boksa cigare Marlboro të kuqe dhe të bardha pa banderola në të gjitha valixhet që kishte pasagjeri. E gjithë kjo sasi e cigareve është sekuestruar nga ana Doganës. Me rast është marr njësiti i hetimeve të Doganës”, thuhet në njoftim.

LEXONI GJITHASHTU:

• ​Kur dhe si do të votojë diaspora në Kosovë, afatet dhe mënyrat
• Avioni Hamburg-Prishtinë pëson defekt, bën ulje emergjente në Beograd