Punonjësit e policisë shpërblehen me 10 mijë lekë, del vendimi i qeverisë

Ministri i Brendshëm Ervin Hoxha, pas mbledhjes së sotme të qeverisë njoftoi se çdo punonjës i Policisë së Shtetit i rolit zbatues do të përfitojë një shpërblim prej 10 mijë lekësh me rastin e festave të fundvitit.

Vendimi u mor në mbledhjen e fundit të Këshillit të Ministrave për vitin 2024.

Me vendimin e sotëm, punonjësit e Policisë së Shtetit përfshihen në kategorinë e punonjësve që marrin shpërblim për festat e fundvitit.

“Punonjësit e Policisë në bashkëpunim me autoritetet e tjera kanë shënuar rezultate të rëndësishme, duke garantuar më shumë siguri dhe një sezon turistik të qetë”.

“Ky shpërblim është gjithashtu një nxitje për të vijuar punën me të njëjtin përkushtim, për përmirësimin më tej të standardeve të shërbimit ndaj qytetarëve”.

“Jam i bindur se me mbështetjen e Qeverisë dhe përkushtimin e efektivëve të saj, Policia e Shtetit do të vijojë të jetë një shembull i suksesshëm i forcës dhe besueshmërisë në shërbim të qytetarëve, sepse viti që vjen do të na përballë me sfida të tjera, siç janë organizimi i zgjedhjeve të lira e demokratike, ku Ministria e Brendshme dhe Policia kanë një rol kyç, por edhe sfidat e tjera kundër krimit të organizuar dhe paligjshmërisë në vend”, tha ministri Hoxha.

LEXONI GJITHASHTU:

• Policët marrin lekët për orët shtesë, 1.5 miliardë lekë fondi për uniformat blu
• Masat e policisë, 5 mijë efektivë në shërbim natën e ndërrimit të viteve