Policët marrin lekët për orët shtesë, 1.5 miliardë lekë fondi për uniformat blu

Këtë të hënë do të shlyhen pagesat e prapambetura për punonjësit e policisë.

1.5 miliardë lekë është fondi i vënë në dispozicion për orët suplementare, orët e natës, dietat e prapambetura dhe lekët e ushqimit.

Drejtori i Përgjithshëm i Policisë së Shtetit, Ilir Proda, urdhëroi Departamentin për Shërbimet Mbështetëse në Policinë e Shtetit që të kryheshin të gjitha pagesat e prapambetura.

“Brenda ditës së sotme, çdo njësi buxhetore në Policinë e Shtetit, të kalojë në thesar pagesat e prapambetura të punonjësve të Policisë. Çdo vonesë ju ngarkon me përgjegjësi.”, thuhet nw urdhrin e Prodws.

Nga të gjitha njësitë buxhetore, prej mëngjesit të kësaj të hëne po kryhen veprimet me thesarin.

Këto pagesa nuk lidhen me shpërblimin e fundvitit, ku pritet të përfitojnë 8 mijë punonjës policie.

LEXONI GJITHASHTU:

• Policia arreston 7 protestues të opozitës dhe procedon penalisht deputetë të PD-së
• Shpërblim për policët, pritet të përfitojnë 8000 efektivë