Mbyllet administrata tatimore e Serbisë në veri të Kosovës

Policia e Kosovës ka mbyllur një objekt në veri të Mitrovicës, i cili ka funksionuar si zyrë tatimore – degë e Ministrisë së Financave të Serbisë.

Lajmin është bërë i ditur nga zëvendësdrejtori i Policisë për veri, Veton Elshani. Ai ka theksuar se lidhur me këtë rast, nuk ka persona të arrestuar.

“Rreth orës 9 kemi hyrë në këtë ndërtesë e cila sipas informacioneve tona ka funksionuar si zyrë tatimore, si degë e  Ministrisë së Financave të Serbisë. Në këtë vend kemi hasur në prova që e vërtetojnë dyshimin tone, dhe pas konsultimit me prokurorin, njerëzit që janë hasur aty janë larguar nga ai vend, dhe ajo ndërtesë është mbyllur deri në verifikim të plotë të fakteve”, ka thënë Elshani derisa ka theksuar se rasti hapet dhe hetohet si falsifikim i dokumenteve.

LEXONI GJITHASHTU:

• KQZ miraton sot fletëvotimin, nesër fillon votimi jashtë Kosovës
• Incidenti në Mitrovicën e Veriut, reagime pas parullave të ngjitura nga serbët