I gjenden 34 kilogramë kokainë, në pranga 28-vjeçari shqiptar në Novara

Një 28-vjeçar shqiptar, banues në Novara, është arrestuar nga karabinierët e Busto Arsizio pas një operacioni të suksesshëm që çoi në zbulimin dhe sekuestrimin e 34.5 kilogramëve kokainë.

Droga ishte fshehur me kujdes në makinë dhe në shtëpi, ndërsa autoritetet gjetën gjithashtu 5 mijë euro cash, si dhe pajisje për paketimin e lëndës narkotike.

Operacioni u zhvillua pas një serie informacionesh të besueshme të mbledhura nga karabinierët, të cilat tregonin për aktivitete të dyshimta në tregun e drogës.

Gjatë kontrollit në banesën e të arrestuarit, u sekuestruan gjithashtu telefona celularë dhe një peshore precize, që dyshohet se ishin përdorur për matjen dhe ndarjen e sasive të drogës.

Pas arrestimit, 28-vjeçari u dërgua në burg, ndërsa hetimet vazhdojnë për të zbuluar më shumë lidhje dhe detaje të mundshme të rrjetit të trafikimit të drogës.

LEXONI GJITHASHTU:

• “Alo policia, një person me kapuç në…”, fqinji çon në pranga 3 hajdutët shqiptarë
• EMRI/ Fast Albania arreston 60-vjeçaren shkodrane të kërkuar për drogë nga Italia