Arrestohet pronari i mobilerisë në Tiranë, mbante armë në ambientet e punës

Një 51-vjeçar është arrestuar në Tiranë gjatë një operacioni policor të koduar “Gun”, i zhvilluar nga specialistët për Hetimin e Krimeve në Komisariatin e Policisë Nr. 6.

Operacioni u realizua pas hetimeve të bazuara në informacionet inteligjente të policisë që tregonin se i dyshuari mbante armë zjarri pa leje në ambientet e subjektit të tij privat.

I arrestuari, shtetasi A.H., banues në Tiranë, u kap në flagrancë gjatë një kontrolli në mobilerinë që ai administronte. Gjatë kontrollit, shërbimet e Policisë sekuestruan në cilësinë e provës materiale një armë zjarri të tipit pistoletë me mulli.

Materialet për këtë rast i janë referuar Prokurorisë për veprime të mëtejshme procedurale.

LEXONI GJITHASHTU:

• Vdekja e të miturit pasi shfaqi komplikacione nga gripi, reagon policia e Korçës
• Shpërndante kokainë në kryeqytet, arrestohet 28-vjeçari, i gjendet kanabis në banesë