Shpërndante kokainë në kryeqytet, arrestohet 28-vjeçari, i gjendet kanabis në banesë

Policia e Tiranës ka finalizuar operacionin “Rrugica”, ku ka arrestuar një 28-vjeçar që dyshohet se ishte pjesë e një rrjeti të shitjes së narkotikëve në kryeqytet.

Efektivët e Komisariati Nr. 6 të Tiranës sekuestruan disa doza kokaine dhe rreth 800 gramë cannabis sativa, të cilat dyshohet se do të shiteshin në tregun ilegal.

“Pas informacioneve të siguruara në rrugë operative, ku thuhej se një shtetas, i identifikuar si Jashar Shima, 28 vjeç, banues në Tiranë, shiste doza kokaine në rrugën “Bakalli” të kryeqytetit, efektivët kanë ndërhyrë për të arrestuar të dyshuarin ndërsa ky i fundit menjëherë ka shpërbërë një dozë lënde të dyshuar narkotike kokainë. Gjatë kontrollit fizik ndaj 28-vjeçarit dhe në banesën e tij, shërbimet e Policisë kanë sekuestruar doza të lëndës së dyshuar narkotike kokainë dhe rreth 800 gramë lëndë të dyshuar narkotike canabis sativa, që dyshohet se i posedonte me qëllim shitjen në Tiranë”, thuhet në njoftimin e policisë.

LEXONI GJITHASHTU:

• VIDEO| Hakmarrje për sherrin në Palasë, si u rrah brutalisht biznesmeni në Tiranë
• Goditet call-centeri i “bursave” në Tiranë, arrestohet pronari dhe administratori