Gazetarja: Te apartamentet në “Astir” nuk ishin vetëm 5 djemtë e shpallur në kërkim

Në një bashkëbisedim me Mirela Milorin në Euronews Albania, gazetarja Sara Demushi dha më shumë detaje mbi ngjarjen e ndodhur të enjten në zonën e Astirit, në Tiranë.

Sipas saj, vajza e përfshirë në incident nuk ka qenë viktimë dhune, por ka qenë nën efektin e lëndëve narkotike.

Demushi theksoi se gjatë hetimeve dhe ekzaminimeve mjekësore, nuk janë konstatuar shenja dhune ndaj vajzës.

“Ajo ka deklaruar se ndihej e rrezikuar kur ka parë armët dhe ka vendosur të telefonojë familjen e saj, por në momentin e ekzaminimit, mjekët nuk kanë konstatuar shenja dhune,” tha gazetarja.

Një tjetër detaj i rëndësishëm që gazetarja solli ishte prania e tre vajzave të tjera gjatë natës së ngjarjes, përveç personave të shpallur në kërkim.

Sipas saj, ka pasur hyrje dhe dalje të tjera në atë banesë, por nuk dihet se çfarë ka ndodhur atje.

“Përveç këtyre 5 personave që janë në kërkim, gjatë natës të së mërkurës ka pasur dhe hyrje-dalje të tjera. Kanë qenë dhe tre vajza së bashku me 21-vjeçaren që kanë frekuentuar këto ambiente, por se çfarë ka ndodhur aty nuk dihet. Dhunë ndaj saj nuk ka pasur por janë përdorur lëndët narkotike”, tha gazetarja.

LEXONI GJITHASHTU:

• Pamjet brenda apartamentit në Astir, kush janë të rinjtë që ishin me 21-vjeçaren
• Ngjarja në Astir/ “Trullosje e vajzës nga kokaina”-gazetari: Pse u alarmua policia…