“Ferr në qytetin e engjëjve”, ekspertët: 150 mld dollarë dëme si pasojë e zjarreve
Të paktën 10 persona besohet të kenë vdekur në Los Anxheles, ku zjarret vazhdojnë të digjen. Qyteti është përfshirë nga 5 zjarre të ndryshme, dy prej të cilave janë klasifikuar si të mëdha dhe kanë shkaktuar dëme masive. Zyrtarët vendas konfirmuan se një zjarr i gjashtë ka rënë.
“Jemi të angazhuar në mënyrë aktive me një zjarr të ri. E kemi quajtur “Keneth” dhe ka rënë në zonën e Kodrave Perëndimore të Los Anxhelesit. Ky zjarr ka përfshirë një sipërfaqe prej 50 akër dhe ka potencialin që të përhapet”,- tha Kristin Crowley, shefe e departamentit të zjarrfikësve, LA.
Autoritetet thonë se dy zjarret më të mëdha, të rëna në Pelisejds dhe Iton, kanë shkatërruar mbi 10 mijë truktura.
Shtëpi, dyqane, banka, shkolla dhe parqe argëtimi janë shkrumbuar, në atë që presidenti Joe Biden e ka quajtur katastrofa më e rëndë e zjarreve në historinë e qytetit. Shumë zona në mbarë Los Anxhelesin janë mbuluar nga re të holla tymi dhe hi.
“Jam zgjuar me sytë që më digjnin dhe kollë të fortë. Disa të afërmve të mi u kanë dalë edhe gjak nga hundët. Është e tmerrshme. Po fle me maskë”.
Dhe problemi nuk ka shanse të zgjidhet së shpejti.
“Sasia e tymit dhe toksinës në ajër, edhe pse nuk e ka prekur shtëpinë tonë, nuk do të na lejojë të lëvizim për muaj të tërë”.
Zyrtarët thonë gjithashtu se zjarret në Pelisejds dhe Iton kanë djegur një sipërfaqe prej 30 mijë akër. Ndërsa 4 zjarret e tjera që po digjen janë përgjegjës për dëme edhe më të mëdha.
Ekspertët thonë se do të duhen muaj ose vite për rindërtimin e zonave të prekura. Edhe pse qeveria nuk i ka publikuar ende shifrat, kompanitë private i vlerësojnë dëmet deri në 150 miliardë dollarë.
LEXONI GJITHASHTU:
Dhoma e Përfaqësuesve miraton masën për t’i dhënë fund luftës në Iran
Partia Demokratike në pushtet fiton zgjedhjet lokale në Korenë e Jugut
Kina ndalon hyrjen e katër deputetëve të Zelandës së Re pas vizitës në Tajvan
- 08:50 Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq
- 08:43 Dhoma e Përfaqësuesve miraton masën për t’i dhënë fund luftës në Iran
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet