Barcelona përmbys Realin e Madridit në Jeddah dhe fiton Superkupën e Spanjës

Barcelona ka fituar Superkupën e Spanjës pas një përmbysje spektakolare në finale ndaj Real Madridit, duke e mundur me rezultatin 5-2 në një ndeshje të zhvilluar në King Abdullah Sports City në Jeddah të Arabisë Saudite.

Real Madrid kaloi i pari në avantazh me një gol të Kylian Mbappé në minutën e 5-të, por Barcelona reagoi fuqishëm, duke shënuar katër gola në pjesën e parë dhe duke përmbysur rezultatin në 1-4. Golat për Barcelonën në këtë periudhë erdhën nga Yamal L. (22′), Robert Lewandowski (36′), Raphinha (39′) dhe Alejandro Balde (45+10′).

Në pjesën e dytë, Barcelona vazhdoi dominimin e saj, ku Raphinha shënoi golin e pestë në minutën e 48-të për 1-5. Edhe pse Rodrygo arriti të ngushtonte diferencën për Realin me një gol nga goditja e dënimit në minutën e 60-të, rezultati përfundimtar mbeti 5-2, dhe Barcelona e ngriti lart trofeun e Superkupës së Spanjës.

Real Madrid 2-5 Barcelona

(Mbappe 5′, Rodrygo 60′ / Yamal 22′, Lewandowski 36′, Raphinha 39′, 48′, Balde 45+10′)

LEXONI GJITHASHTU:

• Barcelona prezanton gjoba deri në 500 euro për shoferët e skuterëve elektrikë
• “Mbretërit e Botës” – Real Madridi fiton Kupën Interkontinentale në Doha