Erzeni nuk i trembet Dinamos, trajneri Luga: Jemi ekip me kualitet

E mërkura zbret në fushë 12 skuadra nga elita e futbollit shqiptar, por dhe Kategoria e Parë. Partizani, Egnatia apo Dinamo synojnë kalimin në fazën tjetër të kompeticionit, por dhe kundërshtarët e tyre që vijnë nga një ligë më poshtë nuk kanë ndërmend të dorëzohen.

Një prej tyre është Erzeni, që vijon përgatitjet në Tofik Jashari nuk urdhrat e teknikut Ergys Luga, me këtë të fundit që ka analizuar duelin e së mërkurës.

“Kjo ndeshje ka specifikën e vetë, përballemi me një ndër ekipet më të mira. Do të jemi vigjilentë e të bëjmë atë cka dimë të bëjmë ne, të tregojmë që ne jemi skuadër që kemi cilësi dhe nivel”, thotë trajneri i Eerzenit Ergys Luga.

Shijakasit në këtë sfidë do të jenë pa Durakun, por atmosfera paraqitet pozitive.

“Atmosfera është pozitive, e kemi marrë seriozisht, kemi objektiv të japim maksimumin e të fitojmë ndeshjen, dua përgjigje pozitive, provë maturie e lojtarëve të mi”, thotë trajneri i Eerzenit Ergys Luga.

Në anën tjetër dhe nëndetësja është stërvitur në Arbanë në prag të duelit, ashtu si Vllaznia në Loro Borici apo Partizani në “Arenën e Demave”.

FSHF bëri me dije se sfida mes Skënderbeut dhe Vorës nuk do të luhet në Korcë, por në Devoll për shkak të borës.

Pamjet e siguruara nga Euronews Albania konfirmojnë se stadiumi i korcarëve nuk është gati për këtë ndeshje, teksa edhe orari ka ndryshuar ku dueli luhet në orën 13.

LEXONI GJITHASHTU:

“Nuk jemi atraktivë”, Pogoni: Futbolli shqiptar është në informalitet

• Alliu: Pse futbollistët e kampionatit shqiptar po shiten në Ukrainë