Presidenti i Panamasë i përgjigjet ashpër Trump nga Davosi: Kanali është i yni

Panamaja ka kundërshtuar ashpër kërcënimet e ish-Presidentit të SHBA, Donald Trump, për të “marrë” Kanalin e Panamasë, një nga rrugët tregtare më të rëndësishme në botë.

Presidenti i Panamasë Jose Raul Molino, deklaroi se kanali nuk është një dhuratë nga SHBA, por i përket popullit të Panamasë.

“Kanal i Panamasë nuk ishte as koncesion dhe as dhuratë nga Shtetet e Bashkuara,” deklaroi Presidenti i Panamasë, Jose Raul Mulino, gjatë një paneli në Forumin Ekonomik Botëror në Davos, të Zvicrës.

Gjatë fjalimit të tij inaugurues, Trump pretendoi se Panamaja kishte “shkelur” premtimin për të qëndruar neutrale, duke akuzuar se “Kina po menaxhon Kanalin e Panamasë”. Ai gjithashtu kritikoi tarifat e aplikuara ndaj anijeve amerikane, duke i cilësuar ato si të padrejta dhe të larta.

Kanali i Panamasë, një arterie kryesore për tregtinë globale, ka një rëndësi strategjike për SHBA-të, pasi rreth 5% e tregtisë detare botërore kalon përmes tij.

Në përgjigje të akuzave, Mulino i cilësoi deklaratat e Trump-it si “të pavërteta” dhe theksoi se Kanali i Panamasë i përket popullit të Panamasë.

“Këto akuza janë të pabaza! Ne qëndrojmë të palëkundur në drejtimin e kanalit si një pasuri sovrane e kombit tonë,” shtoi Mulino.

LEXONI GJITHASHTU:

• Mes urdhrave ekzekutivë, Trump fal 1,500 persona të lidhur me sulmin e Kapitolit
• Itali| Protesta për gjestin e Elon Musk, studentët mesazh nga vendi ku u var “Duçja”