Veliaj: Kemi thyer rekordin duke fituar mbi 65 për qind në Bërzhitë, ka qenë e djathtë

Kryetari i Bashkisë së Tiranës, Erion Veliaj në një deklaratë për mediat ditën e hënë, tha se Partia Socialiste ka siguruar një fitore të thellë në zonën e Bërzhitës, e cila ka qenë tradicionalisht e djathtë.

Ai i bëri thirrje numëruesve të PD të mos braktisin numërimi e të mos vonojnë shpalljen e rezultatit final për zgjedhjet e së dielës.

“Ajo që dua të garantoj të gjithë, edhe pse kemi në fitore të jashtëzakonshme në Bërzhitë, do vazhdojmë t’u shërbejmë njësoj qytetarëve, të majtë e të djathtë. Dua të bëj edhe një apel tjetër të gjithë janë të lodhur, por dua t’iu kujtoj se disa prej numëruesve tanë janë ende duke pritur që të kthehen kolegët e tyre, por s’mund të kërkohet pushim pas 3 orëve numërim.

Dua t’u kërkoj numëruesve të PD, zgjohuni dhe kthehuni në punë, është pa sens të zgjasim një rezultat që e kam marrë drejtimin e vet, të gjithë duhet të pranojnë fitoren”, u shpreh kryebashkiaku i Tiranës.