Presidenti Trump nënshkruan një plan për tarifa reciproke ndaj vendeve partnere

Presidenti Donald Trump ka prezantuar një plan për të rritur tarifat për importet e huaja, me synimin për të eliminuar çekuilibrin tregtar dhe për të krijuar barazi me tarifat që vendet e tjera vendosin ndaj importeve amerikane. Gjatë nënshkrimit të vendimit në Zyrën Ovale, Trump tha se do të vendosë një tarifë reciproke, duke theksuar se ky veprim është i drejtë për të gjithë.

Administrata e tij ka theksuar se tarifat e reja do të ndihmojnë në balancimin e tregtisë midis kompanive amerikane dhe atyre të huaja. Megjithatë, kritikët paralajmërojnë se rritja e tarifave mund të ndikojë negativisht në konsumatorët dhe bizneset amerikane, duke shkaktuar rritje çmimesh dhe inflacion.

Përveç kësaj, administrata do të shqyrtojë faktorë si subvencionet për industrinë, rregulloret dhe zhvlerësimin e monedhës për të përcaktuar nivelin e tarifave. Rritja e mundshme e tarifave do të jetë gjithashtu pjesë e një përpjekjeje për të nisur negociata të reja tregtare, ndërkohë që vendet e tjera mund të përgjigjen me rritje tarifash ndaj mallrave amerikane.

Ky vendim vjen pas një deficitit buxhetor prej 1.9 trilion dollarësh që pritet të ndodhi dhe mund të ndikojë në tregtinë globale, e cila arriti në 1.3 trilion dollarë vitin e kaluar midis Evropës dhe Shteteve të Bashkuara.