Aksident me vdekje në aksin Përrenjas-Librazhd, humb jetën një grua

Një aksident i rëndë ka ndodhur pas mesnatës në aksin e rrugës kombëtare Përrenjas-Librazhd.

Burime jo zyrtare bënë me dije se në vendin e quajtur Pishkash në Njësinë Administrative Qukës rreth orës 00.10 janë përfshi në aksident një autoveturë dhe një kamion.

Burime nga vendngjarja konfirmuan se automjeti tip bBenz me targë AA 716 KS me drejtues 34-vjeçarin shtetasin Zef Sinani është përplasur me kamionin me targë SK 3842 BO me drejtues një shtetas nga Maqedonia e Veriut.

Si pasojë e përplasjes ka humbur jetën një femër dhe ka mbetur i plagosur në gjendje të rëndë drejtuesi i autoveturës. I plagosuri është transportuar fillimisht në spitalin e Librazhdit dhe më pas në Spitalin Rajonal të Elbasanit.

Ndërsa viktima është dërguar në morgun e Elbasanit. Paraprakisht dyshohet se shkak i aksidentit mund të ketë qenë qarkullimi i automjeteve me shpejtësi tej normave të lejuara një kthesë të fortë në Pishkash, ndërsa janë dokumentuar provat e ngjarjes për të përcaktuar shkaqet që sollën aksidentin.