Kalifornia jugore goditet nga përmbytjet e rrëshqitjet e dheut për shkak të stuhisë

Banorët e Kalifornisë Jugore që pësuan dëme nga zjarri katastrofik tani po preken nga përmbytjet dhe rrëshqitjet e dheut për shkak të stuhisë që ka goditur zonën.

Të enjten në mbrëmje, ujë, gurë dhe baltë rrodhën poshtë një mali në qytetin e Sierra Madre, ku të paktën një makinë u bllokua në baltë dhe disa garazhe u dëmtuan, raportoi AP.

Buldozerët po pastronin rrugët e mbuluara nga balta në qytetin me 10 mijë banorë dje.

Zyrtarët e Sierra Madre lëshuan urdhra evakuimi për zonat e prekura nga zjarri i Eaton, duke paralajmëruar se zjarrfikësit dhe policia nuk do të hynin në zona derisa rrëshqitjet e dheut dhe balta të ndaleshin dhe se kushdo që do të mbetej në shtëpitë e tyre gjatë evakuimit do të duhej të shkonte në strehimore.

Në zonën Oxnard, rreth 115 kilometra në perëndim të Los Anxhelosit, stuhia shkaktoi një tornado të vogël që rrëzoi linjat e energjisë elektrike, shkatërroi gardhet dhe ua hoqi çatitë shtëpive të lëvizshme.

Në Kaliforninë Jugore, midis 2,5 dhe 7 centimetra shi ranë në bregdet dhe në lugina, ndërsa në zonat bregdetare deri në 15,2 centimetra shi.

LEXONI GJITHASHTU:

• SHBA: Paralajmërime për stuhi akulli, Kalifornia përgatitet për përmbytje
• Përmbytjet në Durrës, nis verifikimi i dëmeve, mbi 400 banesa nën ujë