VIDEO| Krijesa e rrallë e thellësive befason plazhistët në Kaliforni

Plazhistët në Kaliforni përgjatë bregut të Paqësorit kanë parë një peshk jashtëzakonisht të rrallë nga familja armadillo që jeton në thellësi të mëdha dhe rrallë në sipërfaqe, raportojnë sot mediat.

Kjo specie shihet shumë rrallë dhe më së shpeshti kur ngordh dhe del në breg pas një stuhie, shkruan Guardian.

Robert Hayes, i cili ishte në një plazh në Kaliforni me gruan e tij, filmoi një peshk të gjatë, të sheshtë dhe vezullues sapo e pa në ujë.

Siç tha ai, edhe pse nuk e kishte parë kurrë më parë, e njohu menjëherë specien, e cila shpesh quhet

“Peshku i Ditës së Gjykimit” (“Doomsday fish”) sepse sipas besimit popullor mund të parashikojë fatkeqësi natyrore.

Sipas Hayes, peshku dukej se ishte plagosur, kështu që ata e çuan atë te një ekspert i biologjisë detare.

Specia më e gjatë e parë ndonjëherë ishte 11 metra e gjatë, sipas të dhënave nga Muzeu i Historisë Natyrore në Florida.

Ky lloj peshku është parë në ujërat e Kalifornisë tre herë gjatë vitit të kaluar dhe shkencëtarët ia atribuojnë paraqitjen e tij më të shpeshtë ndryshimit të kushteve në oqeane.

Sipas folklorit japonez, “dragoi me rrip” konsiderohet si një pararojë e “ditës së gjykimit”, megjithëse historianët kanë kundërshtuar teorinë se ai mund të parashikojë tërmetet.

Kjo ide u bë sërish aktuale pasi rreth 20 specie të tilla u gjetën në plazhet japoneze pas tërmetit shkatërrues të vitit 2011, sipas Guardian.

LEXONI GJITHASHTU:

• Java, peshku i parë drejt zhdukjes si rezultat i veprimtarive të njerëzve
• U godit nga peshku shpatë teksa po bënte sërf, humb jetën 36-vjeçarja në Indonezi