“Kemi lidhje historike me SHBA”- Zelensky reagon sërish pas përplasjes me Trump

1 Mars 2025 | 13:46

Një ditë pas takimit të tensionuar me Donald Trump në Shtëpinë e Bardhë, Presidenti ukrainas Volodymyr Zelensky ka reaguar sërish përmes një postimi në rrjete sociale.

Teksa ka shpërndarë intervistën e dhënë në FoxNeës pas debatit, Zelensky ka shprehur mirënjohjen për mbështetjen që Ukraina ka marrë nga Shtetet e Bashkuara.

Megjithatë ai ka theksuar gjithashtu nevojën për një angazhim më të fortë të SHBA-së në mbështetje të vendit të tij.

Ai falënderoi gjithashtu Trump dhe Kongresin amerikan për ndihmën që kanë ofruar, duke theksuar se mbështetja amerikane ka qenë “jetike për ta ndihmuar Ukrainën të mbijetojë.”

“Jam mirënjohës ndaj SHBA-së dhe Presidentit Trump për mbështetjen e tyre, e cila ka qenë jetike për të mbijetuar,” shkroi Zelenskyy në “X”.

“Por është e rëndësishme që të jemi të sinqertë dhe të drejtpërdrejtë me njëri-tjetrin për të kuptuar qëllimet tona të përbashkëta,” shtoi ai.

Në postimet e tij të tjera, Zelensky falënderoi popullin amerikan për ndihmën që ka ofruar, duke theksuar rëndësinë e marrëdhënieve të forta midis dy kombeve. Ai theksoi se marrëdhënia mes Ukrainës dhe SHBA-së nuk është thjesht një lidhje mes dy liderëve, por një lidhje historike dhe e fortë mes popujve.

“Populli amerikan ndihmoi në shpëtimin e popullit tonë. Njeriu dhe të drejtat e njeriut janë të parat. Ne jemi vërtet mirënjohës. Ne duam vetëm marrëdhënie të forta me Amerikën dhe me të vërtetë shpresoj se do t’i kemi”, shkroi Zelensky.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026