Të rinjtë sjellin dëshmitë e diktaturës përmes ekspozitës “Zërat e kujtesës”
“Zërat e kujtesës” titullohet ekspozita me punë të nxënësve të shkollës “Jan Kukuzeli” në Durrës, që sjell përmes pikturave, instalacioneve a skulpturave, dëshmi të personave që kanë vuajtur gjatë periudhës së komunizmit.
Përmes krijimeve të të rinjve, kjo ekspozitë shpalos jetën në diktaturë ndërsa emrin e merr nga një kolanë e botuar nga Instituti për studimin e krimeve dhe Pasojave të komunizmit.
Pasqyra e heshtur, enët bosh qëndrojnë përkrah veprave në pikturë, tekstil, vizatim, grafikë që denoncojnë “fasadat e lumturisë”, radhën për ushqim, hijet njerëzore dhe dyert e dhimbjes si porta që u mbyllën përgjithnjë.
“Projekt i veçantë i ISKK që ka të bëjë me komunikimin me brezin e ri, pjesë e misionit tonë për zbardhjen e së shkuarës në një formë alternative”, tha drejtori i ISKK Çelo Hoxha.
“Arritën të depërtojnë në histori kaq të ndjeshme e t’i kthejnë në ngjyra, formë e fjalë, të krijojnë empati në historitë e së kaluarës. Janë parë në 360 gradë sepse donim të kishte larmi dhe veprat të ndërtoheshin në një koncept”, u shpreh Franc Priska, profesor pikture dhe kurator.
Një mozaik historish, të cilat rrëfehen bashkë e që sjellin para syve tanë vuajtjet e jetuara gjatë komunizmit erdhën pranë piramidës përmes 30 punimeve të 20 nxënësve. Ekspozita do të qëndrojë e hapur për dy ditë.
LEXONI GJITHASHTU:
- Hapet në Prishtinë ekspozita me lodrat e fëmijëve të luftës
- Hapet në Prishtinë ekspozita për persekutimin komunist të hartuesve të alfabetit
Shtëpia-galeri në Librazhd, Agim Jaupaj piktori i nudove në Librazhd me mbi 250 vepra arti (FOTO)
Shkenca dhe inovacioni në fokus, Gjirokastra pret studiues nga e gjithë bota dhe 184 punime shkencore
Dy vjet pa gjeniun e letërsisë shqipe, Ismail Kadare
- 21:07 Sulmi me bombë në Monako, idenfitikohet dhe shpallet në kërkim autori: Ishte një ukrainase e maskuar si burrë
- 20:27 Tajvani simulon pushtimin kinez, stërvitje për skenarët e luftës (FOTO)
- 20:21 Irani i jep lamtumirën Khameneit me ceremoni pesëditore: Mojtaba, pasardhësi dhe i biri mungon nga frika e Izraelit
- 20:15 Portugalia kërkon mbështetje nga BE-ja, Spanja dhe Maroku, ndërsa rreziku i zjarreve rritet
- 20:07 Dita e 34-të e protestës, qytetarët mblidhen para Kryeministrisë
- 19:49 Me pankarta dhe flamuj në duar, nis marshimi i qytetarëve drejt Kryeministrisë