Mbyllja e TikTok, e reja: Censura hije e errët që kërcënon të mbulojë demokracinë

Këtë të shtunë, përpara godinës së kryeministrisë, u zhvillua protesta e opozitës kundër vendimit të qeverisë për mbylljen e rrjetit social TikTok.

Gjatë protestës, foli anëtarja e Forumit Rinor të Partisë Demokratike, Artemisa Zenuni.

“Censura është një hije e errët që kërcënon të mbulojë dritën e demokracisë. Në një shoqëri demokratike, çdo individ ka të drejtën të shprehë mendimet e tij, të kritikojë, të debatojë dhe të kërkojë ndryshim. Censura shkel këtë të drejtë themelore dhe krijon një atmosferë frike. Ajo është një armë e rrezikshme që përdoret për të heshtur zërat tanë. Duhet të qëndrojmë të vendosur dhe të mbrojmë lirinë e fjalës”, tha Artemisa Zenuni.