I rrethuar nga mbështetësit, Sali Berisha paraqitet në Prokurorinë e Posaçme

Kryedemokrati Sali Berisha u paraqit këtë të hënë në orën 10:00 në Prokurorinë e Posaçme Kundër Korrupsionit dhe Krimit të Organizuar, në zbatim të masës së sigurisë “detyrim paraqitje”, në lidhje me dosjen “Partizani”.

Ai u prit nga mbështetësit e tij që u mblodhën para ambienteve të SPAK ku pas daljes së tij pritet të mbajë fjalën para tyre.

Berisha e cilëson vendosjen e masës ndaj tij një akt politik në të cilin ai thotë se “Prokuroria në kundërshtim me Kushtetutën kërkon t’i ndalojë fjalën e lirë” ndërkohë që ai paraqitet në SPAK dy herë në muaj, ekzaktësisht të hënën e parë dhe të tretë të çdo muaji.

Ish-Kryeministri akuzohet për korrupsion në dosjen hetimore të ish-klubit Partizani.

LEXONI GJITHASHTU:

• Berisha flet para mbështetësve pas daljes nga SPAK: Letra që u lashë prokurorëve
• Berisha mbërrin në Kryeministri, Luçiano Boçi: Pse u mbyll pikërisht tani TikTok